ಕಾಮರ್ಸ್ ಕವಿತೆ

ಜೀವನ ತಾಳೆಯಾಗದ ಬ್ಯಾಳೆನ್ಸ್ ಶೀಟುಗಳು
ತಲೆ ಕೆರದಷ್ಟು ಮುಗಿಯದ ಟ್ರಾನ್ಸಕ್ಷನ್ಗಳು
ಮಾಡಿದ ಪಾಪ ಪುಣ್ಯಗಳು
ಎಡ ಬಲದ ಡೆಬಿಟ್ ಕ್ರೆಡಿಟ್ಗಳು

ಅರಿವಿಲ್ಲದೆ ಆಗುವ ಖರ್ಚು ವೆಚ್ಚಗಳು
ತಾಳೆ ಹಾಕಲು ಮತ್ತಷ್ಟು ರಿವರ್ಸ್ ಎಂಟ್ರಿಗಳು
ಬಾಸ್ ಗೆ ಬಕೆಟ್ ಹಿಡಿದರೆ ಅಪ್ರಿಸಿಯೇಷನು
ಎದುರಾಡಿ ಗೆದ್ದೆಯಾದರೆ ಕಾದಿದೆ ನಿನಗೆ ಡಿಪ್ರಿಸಿಯೇಷನು

ಹೇಳದೆ ಕೇಳದೆ ಬಂದು ಹೋಗುವ ಪ್ರೀತಿ ಪ್ರೇಮಗಳು
ಅವೆಲ್ಲವೂ ಜೀವನದ ಬ್ಯಾಡ್ ಡೆಬ್ಟ್ ಗಳು
ಗೆಳೆಯರೊಂದಿಗೆ ಮಾಡಿದ ಮಿಲಿಟರಿ ಪಾರ್ಟಿಗಳು
ಅವೆಲ್ಲವೂ ಅನ್ ಸೆಕ್ಯುರ್ಡ್ ಲೋನ್ ಗಳು

ದಿನ ನಿತ್ಯ ಬರುವ ಹೊಸ ಸವಾಲುಗಳು
ತಲೆ ಬುಡವಿಲ್ಲದ ಸರಕಾರದ ಟ್ಯಾಕ್ಸ್ ಸೆಸ್ಸುಗಳು
ಎದುರಿಸಲೇ ಬೇಕು ಬಿಡು
ಇಲ್ಲವಾದರೆ ತಪ್ಪಿದ್ದಲ್ಲ ಐಟಿ ರೇಡು

ಆಗೋಮ್ಮೆ ಈಗೊಮ್ಮೆ ಬಂದು ಹೋಗುವ ರಿಲೇಶನ್ಸ್
ಕೂಡಿ ಕಳೆದರೂ ಟ್ಯಾಲಿಯಾಗದ ಬ್ಯಾಂಕ್ ರಿಕನ್ಸಿಲೇಶನ್ಸ್
ಕಷ್ಟದಲ್ಲಿ ಕೈ ಹಿಡಿವ ಪ್ರೆಂಢ್ಸು
ಅವರೆ ನಿನ್ನ ಪಾಲಿಗೆ ಅಡ್ವಾನ್ಸು

ಸಮಾಜದಲ್ಲಿ ಗಳಿಸಿದ ಪ್ರೀತಿ ವಿಶ್ವಾಸಗಳು
ಅವೆಲ್ಲವೂ ಇಂಟ್ಯಾಂಜಿಬಲ್ ಅಸೆಟುಗಳು
ಕಣ್ಣಿಗೆ ಕಾಣದವುಗಳು
ಬಲಗೊಳಿಸುವವು ನಿನ್ನ ಕೈಗಳು

ಕೂಡಿ ಕಳೆದರೂ ಎಡ ಬಲಕ್ಕೆ ತಾಳೆಯಿಲ್ಲ
ಲೆಕ್ಕದಲ್ಲೆ ಕಳೆದು ಹೋಗುತಿದೆ ಜೀವನವೆಲ್ಲ
ಗಳಿಕೆಯೆಂಬ‌‌ ಅಸೆಟ್ಟು ತುಂಬಿದಾಗಳೆಲ್ಲ
ನೆಮ್ಮದಿಯೆಂಬ ಲಾಯಬಿಲಿಟಿ ತಾಳೆಯಾಗುತಿಲ್ಲ

✍ರಾಜೇಶ್