ಪೊಣ್ಣೆ ನಿನ್ನ ಕಣ್ಣ ಸೆರೆಕ್ ಯಾನ್ ಮರ್ಲಾಯೆ ..!
ನವಿಲ ನಾಟ್ಯ ರಾಣಿಗ್ ಸೋತು ಪೋಯೆ..!
ಕೋಗಿಲೆ ಕಂಠದ ಬಂಗಾರಿ ದೂರ ದಾಯೆ..?
ರಾತ್ರಿ ಪಗೆಲ್ ತೆರಿಯಂದಿಲೆಕ ಮಲ್ತ್ಂಡ್ ನಿನ್ನ ಮಾಯೆ ..!

ಪುಣ್ಣಮೆದ ಚಂದಿರೆ ನಿನ್ನ ಪೊರ್ಲು ತೂದು..!
ಮುಗುರು ತೆಲಿಕೆ ತೆಲಿತೊಂದುಲ್ಲೆ ಖುಷಿ ಆದ್ ..!
ದಾಯೆ ಪೊಣ್ಣೆ ದೂರ ಪೋಪ ಎಂಕ್ ಮರೆಯಾದ್ ..!
ಆ ಚಂದಿರಗೆ ಸ್ಪರ್ಧಿ ಯಾನ್ ನಿಕ್ಕಾದ್ .!

ನಿನ್ನ ಕಾರ ಗೆಜ್ಜೆ ಶಬ್ದಗ್ ದ್ವನಿ ಯಾನ್ ...!
ನೀಲ ರಾಶಿ ಕೇಶಗ್ ಪೊರ್ಲು ಪುರ್ಪು ಯಾನ್ ..!
ನಿನ್ನ ರಾಶಿ ಕನಸ್ ಗ್ ರಾಜೆ ಯಾನ್ ..!
ನಿನ್ನ ಉಡಲ ದೀಪಗ್ ಬೊಲ್ಪು ಯಾನ್ ..!

ಎನ್ನ ಉಡಲ ಬಾನೋಡು..
ನಿಕ್ ಎಲ್ಯ ಒಂಜಿ ಬೂಡು...
ಕಟ್ ದ್ ಕುಲ್ದೆ ಪೊನ್ನೆ ನಿಕ್
ಎನ್ನ ಮೋಕೆ ಕಾವಲು ಅಯಿಕ್

ಕರಿದ್ ಪೋತೆ ಎನನ್ ಯಾನ್..!
ತೂಯಿಬೊಕ್ಕ ನಿನನ್ ಯಾನ್...!
ಬೇಗ ಬತ್ ದ್ ಸೇರ್ ಎನನ್
ಮೋಕೆಡ್ ಬುಲೆಪಾವೆ ಎನ್ನ ದೇವತೆನ್ ..!

ತುಳು ಮಣ್ಣ್ ದ ಮಗೆ ಯಾನ್..!
ಬುಡುದು ಕೊರಯೆ ಪೊಣ್ಣೆ ನಿನನ್...!
ಒರಿಪಾಲ ಎನ್ನ ಕನನ್ ..
ಕಣ್ ರೆಪ್ಪೆದಲೆಕ ತೂಪೆ ಎನ್ನ ರಾಣಿನ್ ..!

ಕವಿತೆ : ಕಲ್ಪನೆ
ಚಿತ್ರ : ಅಂತರ್ಜಾಲ