ಅರಿವಿಲ್ಲದೆ ಗೀಚಿದ ಸಾಲುಗಳು
ಬರೆವ ಲೇಖನಿಗೆ ಕವನವಾಯಿತು
ಅಕ್ಷರಗಳು ಬಿಳಿ ಹಾಳೆಗೆ ಮುತ್ತಿಕ್ಕಲು
ಮನದ ಭಾವನೆಗಳು ಜಾತ್ರೆ ಹೊರಟಿತು..!

ನೀಳ ಜಡೆ ಕೈಯಲ್ಲೊಂದು ಬಣ್ಣದ ಕೊಡೆ
ನವಿರಾದ ಆ ನಿನ್ನ ನಡೆ
ಮೆಲ್ಲಗೆ ನೀ ಬಳಿ ಬಂದೊಡೆ
ಮರೆತು ಹೋದೆ ನನ್ನ ನಾ ನಿನ್ನ ಮೊಗವ ಕಂಡೊಡೆ..!

ನಿನ್ನ ಮುದ್ದು ಮಾತುಗಳು
ಕಚಗುಳಿ ಇಡುವ ಆ ನಿನ್ನ ನಗು
ಹಣೆಯ ಮೇಲೆ ಚಿತ್ತಾರ ಬಿಡಿಸಿದ ಬೆವರ ಹನಿಗಳು
ನೀ ಹೇಳಿದ ಆ ಕವಿತೆ ಸಾಲುಗಳು
ಮನದಿ‌ಅಚ್ಚೊತ್ತಿದೆ ಮರೆಯಲಾಗದ ನೆನಪುಗಳು...!

ಯಾವ ಜನ್ಮದ ಬಂಧವೋ
ಗೆಳತಿಯಾಗಿ ಆಕೆ ಬಳಿ ಬಂದಳು
ಅಮವಾಸ್ಯೆಯಂದು ಸಿಕ್ಕಿದವಳು
ಚಂದಿರಗೆ ಸ್ಪರ್ಧಿ ನನ್ನವಳು ...!🌝

ಕವಿತೆ : ಕಲ್ಪನೆ
ಚಿತ್ರ : ಅಂತರ್ಜಾಲ