ಹಾರಿ ಹೋಗು ಪಾರಿವಾಳವೆ
ಸುಮ್ಮನೇಕೆ ಕುಳಿತಿರುವೆ
ಹೇಳು ಹೋಗು ನನ್ನವಳಿಗೆ
ಈ ಪುಟ್ಟ ಹೃದಯದ ಕೋರಿಕೆ ..!

ನೀ ಅರುಹುವೆಯ ಅವಳ ಕಿವಿಗೆ
ನನ್ನ ಈ ಹಳಿ ತಪ್ಪಿದ ಜೀವದ ಬಯಕೆ
ನನ್ನ ಪಿಸು ಮಾತಿಗೆ ಕಿವಿಯಾಗುವೆಯಾ ಪಾರಿವಾಳವೆ..?
ಕಣ್ಣೀರ ಸಂದೇಶಕ್ಕೆ ನೀ ವರದಿಗಾರನಾಗುವೆ .!

ಹೇಳು ಹೋಗು ಪಾರಿವಾಳವೆ ನನ್ನ ಮನದೆನ್ನೆಗೆ
ಅವಳು ಕೊಟ್ಟ ನವಿಲು ಗರಿ
ಮರಿ ಹಾಕಿಲ್ಲವೆಂದು
ಅವಳೊಂದಿಗಿನ ನೆನಪುಗಳು ಬಣ್ಣ ಮಾಸಿಲ್ಲವೆಂದು
ಕಂಡ ಕನಸುಗಳು ಮಾತ್ರ ಕಮರಿ ಹೋಗಿವೆಯೆಂದು..!

ಹೇಳು ಹೋಗು ಪಾರಿವಾಳವೆ ನನ್ನ ಮನದ ದೇವತೆಗೆ
ಅವಳ ಸೌಂದರ್ಯ ಕಂಡ ಕಣ್ಣುಗಳು ಮುಸುಕಾಗಿವೆಯೆಂದು
ಅವಳ ವರ್ಣಿಸಿ ಬರೆದ ಕೈಗಳು ನಡುಗುತಿವೆಯೆಂದು
ಅಂದು ತುಂಬಿದ ಹೃದಯ ಸಂಪತ್ತು ಬರಿದಾಗಿಲ್ಲವೆಂದು

ತಿಳಿ ಹೇಳು ಹೋಗು ಪಾರಿವಾಳವೆ
ಸುಳ್ಳು ಮಾತುಗಳು ಅವಳಿಗೆ ಬರುವುದಿಲ್ಲವೆಂದು
ಅಂದು ಅವಳಾಡಿದ ಮಾತೊಂದು
ನಿಜವಾಗಲಿಲ್ಲ ಅಂದಿನಿಂದ ಇಂದು
ನಾ ಕಂಡಿಲ್ಲ ಈ ಜಗದಿ ಅವಳು ಹೇಳಿದ ಅವಳಿಗಿಂತ ಒಳ್ಳೆಯ ಹುಡುಗಿ ಎಂದೆಂದೂ...!

ಕವಿತೆ: ಕಾಲ್ಪನಿಕ
ಚಿತ್ರ ಕೃಪೆ : ಗೂಗಲ್