ಅವಳ ಬಗ್ಗೆ ಹೇಳ ಬೇಕಿದೆ
ಹೇಗಿರಲಿ ಆಕೆಗೆ ಸಾಂತ್ವನ ಹೇಳದೆ
ಆಕೆಯ ಕಷ್ಟ ಕಂಡು ಮನಸು ಬೇಸರಿಸಿದೆ
ಗಟ್ಟಿ ಗಿತ್ತಿ ಉಳಿದಿದ್ದಾಳೆ ಇಂದೂ ಸೋಲದೆ...!

ದುಃಖದ ಇನ್ನೊಂದು ಹೆಸರು ಅವಳು
ಆಕೆಯ ಜೀವನವೇ ಕಣ್ಣೀರ ಕಡಲು
ಕೌಟುಂಬಿಕ ಕುತಂತ್ರಕ್ಕೆ ಸಿಲುಕಿ ನಲುಗಿದವಳು
ಕನಸಲ್ಲೂ ಪರರಿಗೆ ಕೇಡು ಬಯಸದವಳು

ಘೋರ ಖಾಯಿಲೆಯ ಗೆದ್ದು ಬಂದವಳು
ಗಂಡನನ್ನೇ ಬಿಟ್ಟು ಕೊಟ್ಟ ಉದಾರಿ ಅವಳು
ಕಾಡು ಮೇಡಿನಲ್ಲಿ ಅಳೆದವಳು
ವಿಷ ಸರ್ಪದ ಪ್ರೀತಿ ಗೆದ್ದವಳು

ಸಾವು ಹೆದರಿ ದೂರವಾಗಿದೆ
ಆದರೆ ಆಕೆಯ ವ್ಯಥೆ ಮಾತ್ರ ಮುಂದುವರಿದಿದೆ
ಕಥೆಗೆ ಕೊನೆಯೆಂಬುದು ಇಲ್ಲವಾಗಿದೆ
ನಮ್ಮ ಮಹಿಳಾ ಮಣಿಗಳ ಸಮಯ ಸಾಗುತಿದೆ..!

ಎಲ್ಲವನ್ನೂ ಎದುರಿಸಿದ ದಿಟ್ಟ ನಾರಿ
ಅವಳ ಬಿಟ್ಟು ಕೊಡುವುದು ನಾವು ಎಷ್ಟು ಸರಿ..?
ಅನ್ನಬೇಕಿದೆ ಮನದೊಳಗೆ ನಾನು ಗೌರಿ..
ನಾವೆಲ್ಲರೂ ಪುಟ್ಟ ಗೌರಿ..😊🙍