ಕಟ್ಟಿದ ರಕ್ಷೆಯು ಬಂದನವಾಗದಿರಲಿ
ಬಾಂಧವ್ಯ ಬೆಸೆಯುವ ಬಂಧವಾಗಲಿ
ಗೌರವವಿರಲಿ ಪ್ರೀತಿಯಿರಲಿ
ಸಹೋದರತ್ವದ ಪ್ರೀತಿಯ ಸಾರವಿರಲಿ

ಹೆಣ್ಣೆಂದರೆ ಆಕೆ ಕೇವಲ ಹೆಣ್ಣಲ್ಲ
ಬೆಳಗುವುದು ದೀಪ ಸಹೋದರಿ ಇದ್ದಲ್ಲೆಲ್ಲ
ಮನೆ ಮನವ ಬೆಳಗುವಳು
ಭೂಮಿ ತೂಕದ ಸಹನೆಯುಳ್ಳವಳು

ಆಕೆ ದುರ್ಬಲೆಯಲ್ಲ
ಹಠ ದರ್ಪಕ್ಕೆ ಬಗ್ಗುವವಳಲ್ಲ
ಪ್ರೀತಿ ಮಮತೆ ತೋರಿದಾಗಲೆಲ್ಲ
ಮತ್ತೆ ಬೇಕೆಂದು ಬೇಡುವ ಭಿಕ್ಷುಕಿ ಅವಳು ...!

ಆಕೆ ಕಟ್ಟಿದ ರಕ್ಷೆಯು
ಕೊರಳ ಬಿಗಿವ ದಾರವಾಗದಿರಲಿ
ಪ್ರೀತಿಯ ಹೂಮಾಲೆಯಾಗಲಿ
ಸಹೋದರತ್ವದ ಬಂಧ ಚಿರಾಯುವಾಗಲಿ

✍ರಾಜೇಶ್