ಜೋಡಿ ಗಿಣಿಗಳು ಮನೆಯ ಮಾಡಿವೆ
ರಂಗು ರಂಗಿನ ಪ್ರೀತಿಯಿಂದ ಬಣ್ಣ ಹಚ್ಚಿವೆ
ನೀಲ ಅಂಬರದಿ ಹಾರ ಹೊರಟಿವೆ
ಜೊತೆಯಾಗಿ ಕುಣಿದು ಕೇಕೆ ಹಾಕಿವೆ...!

ನಿನ್ನೆಯ ಹಂಗು ಅವರಿಗಿಲ್ಲ
ನಾಳೆಯ ಕೊರಗು ಮನದಲಿಲ್ಲ
ಕಪಟವೇನೆಂದು ಅವಕ್ಕೆ ತಿಳಿದಿಲ್ಲ...!
ಹೃದಯ ಸಂಪತ್ತು ಹರಡಿವೆ ಜಗದಲ್ಲೆಲ್ಲ...!

ಸಮಾಜದ ಕಟ್ಟು ಕಟ್ಟಳೆಗಳ ಪರಿವೆಯಿಲ್ಲ
ಜಾತಿ ಧರ್ಮದ ಪರಿಧಿ ಅವರಲ್ಲಿಲ್ಲ...!
ಆಸ್ತಿ ಅಂತಸ್ತು ಅವರು ಹೋದಲೆಲ್ಲ
ಜೊತೆಯಾಗಿ ಸಾಗುವ ದಾರಿಗೆ ಗುರಿಯಿಲ್ಲ...!

ತುತ್ತು ಕಾಳಲ್ಲೂ ಸಮಪಾಲು
ನಾನು ನೀನೆಂದು ಅವರಲ್ಲಿ ಇಲ್ಲ ಗೋಳು...!
ಜಗತ್ತಿನ ಪ್ರೇಮ ರಾಯಭಾರಿಗಳು....!
ಹಸಿರು ಜೋಡಿ ಗಿಣಿಗಳು...!😍

ರಾಜೇಶ್